Hezkuntzarako sofware askeko bilduma

[Juan Ezeiza]

Oraindik norbait software askearen aldeko arrazoiak bilatu beharrean badabil irudiari begiratua eman diezaiola ;-)
Hezkuntzarako software-bildumatxo bat esteka honetan aurkituko duzue. Denborarekin eta animatzen zareten guztion laguntzaz handitzen joango gara, foro honetan plazaratzen diren aplikazio askeak gehituz adibidez.
Ordiziako Jakintza Ikastolako IKTeroen blogean ere aplikazio berrietarako kategoria badago. Kategoria horretan zuzenean sartzeko lotura honetan klik egin.
Gurpila asmatu beharrean badugu nondik abiatu!

[Roberto Maiztegi]

Atzo Netsupport School infogelak monitorizatu eta kontrolatzeko softwarearen propaganda iritsi zitzaidan ikastolara. Irakurri nuen eta oso interesgarria iriditu zitzaidan ematen zituen aukerak (interneteko hainbat toki blokeatu, inpresora blokeatu, saioak prestatu eta gelan aurrera eraman...). Eta demo bat zuenez frogatu egin dut, oso errexa iruditu zait, oraindik ez didate ezer esan prezioaz...
Ezagutzen du norbait software hau? Eta ba al dago antzekorik software askean?

Mila esker

[Juan Ezeiza]

Kaixo Roberto:
Softwareak oso itxura ona dauka, baina ez naiz animatu 25 ekipotan jartzeko 1300€ eskatu zidatelako.
Beste hari honetan (http://zirikteroak.ning.com/group/softwareaskea/forum/topic/show?id...) Jokinek iTalc izeneko programa aholkatu zidan. Askea da, eta nahiko gauza antzekoa egiten duela dirudi. Ikasturtea bukatutakoan gure infogelan instalatuko dut. Zer moduz dabilen esango dizut.
Agur.

[jolaus]

ITalc-i buruzko eskuliburu bat aurkitu bat aurkitu dut erdaraz. Datorren urterako erabiltzeko asmoa dugunontzat baliagarria izan daiteke.

[jolaus]

Aupa Roberto

Guk urtebete luzea daramagu Netsupport Manager erabiltzen. Juanek esaten duen bezala, ordaindu beharreko lizentziadun softwarea da; probetarako 30 eguneko bertsioa motz geratzen zitzaigunez mandotik ;-) jaitsi genuen nola funtzionatzen zuen ikusteko. Eta egia esan, primerako softwarea da orokorrean sarearen kudeaketa egiteko eta, bereziki, infogeletan ikasleek egiten dutenaren jarraipena burutzeko. Guk jaitsitako bertsioan (hamargarrena) pakete berean zetozen Manager eta School bertsioak. Egia esan, orain arte erabili ditugun aukerak aplikazio biek eskaintzen dutenaren zati txiki bat besterik ez da izan, izan ere, ondo konfiguratuz gero, eskaintzen dituzten aukerak izugarriak dira.

Manager erabiliz sareko edozein ekiporen mantenua egiten ari gara. Gure teknikariak jasotzen dituen matxurak (IKASWEB eguneratu dutenetik jada ezin dugu matxuren zerrenda erabili :( ) honen bitartez konpontzen ahalegintzen gara; aplikazio berriak ere honekin instalatzen ditugu (ikastolako bi eraikinetan gainera, hemendik mugitu behar izan gabe). Edozein momentutan monitorizatu dezakegu sareko edozein ekipo, kontrola hartu eta beharren arabera, lanean ari den irakasle bati lagundu. Oso ona.

School infogeletan ikasleei jarraipena/ laguntza eskaintzeko erabiltzen dugu. Irakasleak bere ekipotik ikasleak zertan ari diren behatzen du; aukera dauka ekipoetara mezua bidaltzeko, hala nahi bada, saguaren kontrola hartu, pantaila itzaldu, irakaslearen ekipoan ikusten dena pantaila guztietara bidali... Baina balio dezake baita ere, ikasleei laguntzeko. Gure kasuan LHko 1. eta 2. mailako ikasleek saioa irekitzerakoan erabiltzaile izena eta pasahitza sartu behar izaten dute. Hauetako askok oraindik arazoak dituzte pasahitzarekin, batez ere, eta klaseak asko moteltzen dira. Netsupport Schoolekin irakasleak gelako ekipo guztiak batera pizten ditu, Ctrl+Alt+Supr komandoa ekipo guztietan batera egiten du eta erabiltzaile kontu eta pasahitza ekipo guztietara bidaltzen du. Horrela umeek ez dute zertan saioa irekitzen denbora alperrik pasa beharrik.

Aplikazio hau erabili nahiko bazenu ohar txiki bat: dena ondo konfiguratzen baduzu, izugarria da tresna honek zenbat laguntzen duen. Baina konfigurazioa ondo pentsatu eta diseinatzea ezinbestekoa da. Horretarako laguntza fitxategi oso konpletoak ditu; hasi baino lehen ondo irakurtzea gomendatzen dizut. Guk ez genuen egin eta gerora gauza batzuk gaizki egin genituela ikusi dugu. Adibidez, aplikazioa martxan jarri aurretik, sareko ekipo guztietan aplikazio bezeroa (software txiki bat) instalatu beharra dago. Bezero hori zure beharretara konfiguratu eta sor dezakezu. Bezeroan zehaztuko dituzu gero erabili ahal izan dituzun aukeretako asko. Horregatik Client Generator (uste dut hori dela bere izena) horri denbora pixka bat eskaini iezaiozu. guk ez genuen horretan erreparatu eta zetorren bezero standarra instalatu genuen sareko ekipo guztietan. Ondorioa; IKT bulegoan ezezik infogeletako irakasle ekipoetatik ere aukera dago sareko ekipo guztien kontrola izateko.

Hurrengo urterako, dena den, iTalk erabiltzeko asmoa dugu; ez da hain potentea izango baina lehen inpresioan, oinarrizko tresnak eskaintzen ditu.

[Juan Ezeiza]

iTALC euskaratu dut. Itzulpen-fitxategiak garatzaileei duela bi aste bidali nizkien, baina oraindik ez dituzte azken bertsioan txertatu. Irailerako bertsio berria argitaratzen ez badute euskarazko fitxategiak hemen zintzilikatzeko asmoa daukat.

[jolaus]

Joe, ekarpen bikaina Juan!!

Eskerrik asko zure lanaren emaitza denon esku jartzeagatik ;-)

[Juan Ezeiza]

Oraindik ez dut iTalc-eko garatzaileen erantzunik jaso. Baliteke oporretan goxo-goxo egotea. Neuk ez dakit hizkuntza-fitxategiak instalazio-exekutablean nola txertatzen diren. Badaezpada zirIKTeroren bat zeregin horretan ni baino trebeagoa den, agindu bezala, hizkuntza-fitxategi euskaratuak bidaltzen ditut. Ausartzen denak esteka honetan: http://italc.sourceforge.net/wiki/index.php?title=Creating_a_locali... prozesua aurrera eramateko argibideak aurkituko ditu. Bestela, garatzaileen erantzunaren zain geratu beharko dugu.
Portzierto, programa euskaraz martxan jarri ez dudanez, ezin izan dut itzulpena behar bezala konprobatu akatsak zuzentzeko.

[Aitor Sarriegi]

Aupa Juan. Aste honetan jarri dut iTalc ikastolan eta oraindik proban nabil, baina nik ere probatuko ditut zure fitxategiak. Ederra aportazioa.