Guraso Eskola Jakintza ikastolan. Laguntza eskaera bat.

[jolaus]

Kaixo lagunok

Laguntza eske natorkizue oraingoan. Kontua da duela dezentetik gabiltzala ikastolako gurasoei interneten erabilerari buruzko saio batzuk eskaini nahian. Kontua da, urte batzuetatik hona jabetu garela gure ikasleek, Lehen Hezkuntza amaitu eta DBH hasiera bitarte horretan,internetera salto egiten dutela "en masa". Alegia, LH6ra arte batzuk dagoeneko mezularitza aplikazioekin eta Fotolog bezalako aplikazioekin hasita badaude ere, erabilerak nabarmen egiten du gora LHko etapa amaitzen denean.

Konturatu gara hauetako ikasle askok ez dutela medioa menperatzen oraindik; eremu pribatuan baleude bezala jokatzen dute hauetako askok. Garbi dago,IKT konpetentziekin lotuta, sakon landu behar dugun gaia dela eta horretan hasiak gara. Guretzat bereziki garrantzitsua da interneten erabilerarekin lotuta, antzeko irizpideekin jokatzea etxean eta eskolan. Horregatik, iruditzen zaigu gurasoen esparrua ondo jorratu behar dugula, izan ere, gaizki ulertuak direla medio, gerta daiteke gure ikasleetako askok gelako jardunarekin lotutako jarduera asko etxean egitea debekatuta izatea (dagoeneko gertatu zaigu antzekorik).

datorren asteartean emango diogu hasiera ikastaroari. Formatua hauxe izango da:

1. Lau saio ordu eta erdikoak.
2. Lehenego hiruetara izena eman duen guraso bakoitza bere seme-alabekin etorri beharko du, ikastaroa biei zuzenduta egondo delarik. Laugarren saioa gurasoei soilik zuzenduta egongo da.
3. Lehenengo hiruetan, gurasoek ikasleen laguntzarekin, ikastolan erabiltzen ditugun tresnak erabiliko dituzte: Firefox, blogak, Google tresnak... Azken saioa (gurasoei soilik eskainiko zaiena) oinarrizko IKT konpetentzien inguruko informazioa emango diegu. Honekin batera, ordenagailuaren inguruan ere hainbat aholku edo gomendio emango diegu

Ikastaroaren formatuaren ideia, behin Fultxori entzundako ikastaro proposamen batean oinarrituta dago. Berak, komentatu zigunez Erentzun ikastolan antzeko esperientzia bat burutu zuten eta emaitzak oso positiboak izan zirela aipatu zigun ere.

Antzeko ikastarorik burutu al duzue zuen ikastoletan? Gustura jasoko nituzke Fultxo beraren edota zuetako beste edozeinen ekarpenak. Aurretik sortutako materialik edo partekatzeko izango bazenute, primeran etorriko litzaidake. Nireak prestatu bezain pronto, sarera igoko ditut denon eskura gera daitezen.

Eskerrik asko!

[Txuma]

Jokinek aipatutakoa "eremu pribatuan baleude bezala jokatzen dute hauetako askok", arazo hau detektatu dut azken hilabeteotan gure ikastolan ere eta adin berdinetan. "Metroflog", "Fotolog" eta antzeko zerbitzuen aurrean daramaten dinamika ez zait gehiegi gustatzen. Ikasle baten metroflog helbidean kuxkuxeatzera sartu eta hortik 20 minututara gehienak sartuak nituen gogokoetan. Lehenengo sorpresa aurpegiak azkar agertu ziren nire saio baten bukaeran asteburuko gertakizunak, azken ligoteoak, nortaz maiteminduta zegoen Miren... eta holako "konfidentzia" batzuen adibideak jarri nituenean. "Baina Txumaaaaaa.... ez sartuuuuuuu" esan zidaten batzuk. Kontxo, leku publiko batean publikatutakoaren berri eman dut, gaizki egin al dut irakurtzen? Zein zen zuen asmoa? Era pribatu bat nahi duzue? Era pribatuan erabil daitezkeen blogak badaudela al dakizue? Hortik egun batzuetara, eta jakina, zirikatzailea den irakasle bat gainetik kentzeko asmoz, batzuk baztertu zuten mixeriak agerian uzteko den tresna hori. Erabiltzen dutenen artean ere, iruzkinak anonimoki uztearen aukera deusestatu behar zutela konbentzitu nituen. Nire esperientzia txikia zuekin konpartitu nahi nuen, eguneroko lanean izango bait ditugu oraindikan hainbat "ziri ta espitx" sartzeko aukerak eta.... begietatik benda asko kendu beharra.
Ikastaroaren zai. Ongi izan.

[david]

ba gu honen inguruan experientzia handirik ez baina tira.

batetik "guraso eskola" bat martxan jartzen sailatu ginen, horretarako aita baten laguntzarekin blog bat abiatu genuen edukiera pedagokioak jorratzeko, hau da, nola hezitu seme alabak, arazoei aurre egiteko tresnak,... eztabaidarako gune bat sortzea zen ideia baina ez zuen funtzionatu: ardura zeukan aitak lanez aldatu eta aurrera jarraitu ezin eta bestetik, gurasoak ez zute erantzun partehartzeko deiara.

bestetik, gabonetan portatil eskaintza bat luzatu genien familiei, ideia zen ubunturekin ematea eta gero formakuntza saio batzuk antolatzea, baina oraindik ez ditugu burutu prestakuntza hori oraindik prest ez gaudelako. Datorren urteko planean aurreikusita dago, baina egia izan mementuz bakarrik software askearen migraziorako pistak besterik ez genuen jorratu behar. Zuk planteatzen duena aldiz interesgarriagoa iruditzen zait... kopy left-en al daukazu ideia hori???
;-)

[jolaus]

#Txuma: arrazoi osoa daukazu. Ikasleek eurek jabetu behar dira zein den erabiltzen ari diren medioaren ezaugarrietaz. Zuzenean beraiekin hitz egin behar da. Gure asmoa euren gurasoekin ere gauza bera egitea da ere. Gehiago esango nizuke, euren seme-alabak aurrean dituztelarik Fotologetara sartu eta bertan ikus daitekeenaren inguruko hausnarketa egitea pentsatuta neukan. Ikusiko dugu honek zerbaitetarako balio duen.

#David: esan bezala, ikastaroa elkarrekin egitearena ez da nire ideia. Fultxok antzeko zerbaait eginda zeukala komentatu zidan eta ideia oso ona iruditu zitzaidan. Dena den, ez nago oso seguru nola enfokatu ikastaroa, horregatik eskatzen nuen laguntza edo ideiak honen inguruan. Esan beharrik ez dago, prestatuko dudan materiala denon eskura jarriko dudala; zuetako norbaitek ere ekarpenik izango balu, ongi etorria izango litzateke.

[Fultxo]

Gure ikastolan duela lau urte hasi ginen ikastaro tailer hauek antolatzen. Tailerraren iraupena ordu eta erdikoa da eta prezioa 3 € pertsonako (Kriston dirutza!). Jasotako dirua ikastolarako da. Orain arte nik eman ditut tailer hauek.
Hiru gai proposatzen dira ikasturte bakoitzean. Batzutan gairen bat errepikatu egiten da. Hauek dira orain arte emandakoak (4 urte hauetan):
- Interneteko arriskuak. Horretarako aurkezpen bat badugu gaztelaniaz.
- Nola egin kartelak era azkar eta eraginkor batez Word erabiliz. Hemen irudiekin hainbat truko, testu koadroen erabilpena, eta diseinu gomendioak ematen genituen.
- Picasa programa. Arrakastatsua. Hau bi saiotan antolatu dugu.
- Ares eta e-mule. Arrakastatsua ere.
- Nola pasa Cd bat MP3ra: Audiograbber programa erabili genuen bere garaian, berriz egitekotan Cd-ex aukeratuko nuke.
- Firefox nabigatzailea. Honekin batera interneten informazioa era eraginkorrez jasotzeko trukoak, rss-ak barne, erakutsi nahi da. (Ikastaro hau aurten egiteke dago)

Ikastaroetan gurasoak nahiz ikasleak (5. eta 6. maila, 4. maila aparteko kasu batzuetan) parte har dezakete. Irakasleren bat ere apuntatu egin da. Partaide kopurua 10-13 pertsonakoa izaten da eta normalean ordenagailu bat partaideko. Aurten jende ugari apuntatu da gaiek bultzatuta: Picasa eta P2Pa

Ikastaro hauetan interakzioa bultzatzen dugu. Nola? Irakaslea okupatuta badago ondokoari galdetu edo "dakienari galdetu". Egoera bitxiak, politak esango nuke, sortzen dira horrela: 5. mailako ikasle bat amari testu prozesadorearen trukoak erakustea, helduak eta haurren arteko berdintasuna ikaste prozesu baten aurrean, haurrak helduen aurrean duten trebezia erakutsi ahal izatea, kontrako egoera... Ez da hori gure helburu nagusia baina testuinguru honetan lortzen da.

Ares ikastaroko apunteak ikastolako wikian zintzilikatu genituen.