CSS estilo orriak editazeko laguntza

[Abel]

Aupa,

Egunotan ibili naiz web gune baten azala moldatu nahian eta horretarako CSS estilo orriekin borrokan. Zuetako inork ezagutzen al du horien inguruko gidarik? Asko eskatzea ez bada, eskertuko nuke erraza eta argia izatea, ni bezalako torpe bateko ulertzeko modukoa.

Eskerrik asko

[Julen]

KAixo,
nire programatzaile garaian, non geldituko zen, cssekin lan egiteko php designer izeneko programatxo bat erabiltzen nuen, egun ere ikastolako intraneta diseinatzeko. BErez weberako programazio hizkuntzekin lan egiteko bada css 2.0rekin majo egiten du.
Gida ordea beste batek ekarri beharko du

[Abel]

Eskerrik asko, Julen!

Saiatuko naiz programa instalatzen. Ia zer moduz moldatzen naizen!

[jolaus]

Aupa Abel

Mikel ni baino askoz ere jantziagoa dago CSS, Java eta HTML kontuetan, beraz, seguru nago berak emango dizula ni baino laguntza hobeagoa. Dena den, nik egin ditudan "pinitoetan" gune hau erabili dut erreferentzia nagusi moduan, oinarrizko sintaxia ulertu ahal izateko.

Buruan geratu zaidan apurra, halere, Web Developer Firefox-eko gehigarriari esker izan da. Tresna bikaina da webgune baten diseinuari ukituak emateko, jakinik egindako aldaketa guztiak ez direla gordeta geratuko. Izan ere, gehigarria instalatu ondoren, "Edit CSS" aukera esleitu eta albo batean bisitatzen ari zaren gunearen CSS fitxategia ikusi ahal izango duzu oso-osorik. Bertan egindako aldaketa bakoitzak gunearen diseinuan izango duen eragina segituan ikusi ahal izango duzu, denbora errealean. Behin amaitu ondoren, leihoa itxi eta gunea, noski, jatorrizko diseinura bueltatuko da. Egindako aldaketen ondoren, gunearen itxura zuri gustatzen zaizuna baldin bada, alboko leihoan dagoen kode osoa kopiatu eta gunearen jatorrizko fitxategian datorrenaren ordez ipini ahal izango duzu.

Niri, behintzat, diseinu kontuetan (CSS-a editatzea baina askoz ere gauza gehiago eskaintzen ditu; pantaila bereizmen desberdinetan gunea nola ikusten den, HTML edizioa...) oso baliagarria iruditzen zait Web Developer.

Bukatzeko hementxe daukazu nire deliciouseko kontuan CSS etiketarekin gordetako guneen zerrenda. Batzuk agian baliagarriak izango zaizkizu. Horiekin nahikoa ez baduzu, hementxe dituzu mikelek bilduta dituenak.

[Abel]

Eskerrik asko, Jokin! Zoratzeko gutxi falta nuen eta uste dut oraingo honekin listo! Zoroetxerako bidean naiz!

Esango dizuet zer moduz nabilen