IKTero saltsero eta zirikateroen taldea
OpenOffice. Migrazioaren azterketaren emaitzak
Kaixo Lagunok
Aurreko ostegunean Ikastolen Etxean izandako aurkezpenaren inguruan nire ikuspuntua emateko asmoz hasi naiz idazten. Bi aurkezpen izan genituen, eta ni behintzat SolidRockIt-eko aurkezpenak gehiago asebete ninduen Eurohelpenak baino.
SolidRockIt
Migrazioa kontestu errealagoan kokatu zuen, hau da, ez openofficerako migrazioaren azterketa soilik eginez, 2007rako batekin alderatuz baizik. Espero izatekoak dira sor litezkeen arazoak, eta 2007rako migrazioa baino koplikatuxeagoa izatea. Dena den, formazioa adibidez, 2007an beharrezkoagoa izango litzatekeela iruditzen zait, oo-ren interfazea irentsita baitute jadanik.
Zerbait esatekotan, bertan aipatu banuen ere, gure parkeak oo-re migratzea egingarria den bezala, 2007ra migratzea posible ez dela argi daukat. Bi egoeraren aurrean egon gintezke, beraz: Microsoften parke mistoa (bertsio ezberdinekin) edo OO-ren parke homogeneoa. Abantaila hau kontuan hartzekoa iruditzen zait.
Bestalde, oo-rako moldaketa/migrazio/bihurketa kostuen inguruan hitz egin zen etengabe, baina aipatu gabe utzi zen Microsoften aukera eginez gero ikasle/guraso/bezero batek lekarkeen odf baten bihurketa-kostua (denboraz eta lanaz ari naiz).
Eurohelp
Gezurra esango nuke aurkezpenak konbentzitu ninduela esango banu. Azalekoa iruditu zitzaidan, migrazioa bere horretan soilik planteatua (gainera gazteleraz, aurkeztu zigunaren arabera "errazago ulertzeko". Barkatu, baina errazago berak agian, niri ezegokia iruditu zitzaidan). Hauen estimazioak barre egiteko modukoak ziren. Gainera, etengabe zentratzen zuten formazioaren beharrean gaia (agian hor ikusten ote dute pagotxa?). OOren alde egin bazuen amaieran, ez dut uste nik entzun nahi nituen motiboengatik izan zenik, beraien enpresarentzat negozio bide bat ikusi zutelako baizik.
Laburbilduta, lehenaz gain konbentzituta nago migratu egin behar dugula. OO alternatiba erreala da, bidezkoa, Ikastolek behar dituzten balore eta ezaugarriekin batago datorrena, eta argudio horiek irakaslea ez den (uste dut Elkarteko Informatika taldeko kide bat izan zela) batek aipatu izanak ere zer pentsatua eman zidan. Hezitzaileok ekonomiaz hezkuntza-baloreez edo ikasleei transmititu behar genizkiekeen beste ikuspegiez baino gehiago hitz egiteak, alegia.
Nik migrazioaren alde egiten dut. Software askea da, iturburu irekikoa, gure beharrak asetzeko eta gehiagorako gai dena, garapen etengabean dagoena, euskaratuta dagoena, plataformekiko independentea, gainerako formatuak ehuneko handi batean irakurtzeko gai dena, PDF dokumentuekin lan egiteko gai izango dena 3.0 bertsioan, etab. etab.
Eta, doakoa izatea, anekdota bat. Migrazio orokorrago baten lehen pausua izatea da nire apustua.
Aurreko ostegunean Ikastolen Etxean izandako aurkezpenaren inguruan nire ikuspuntua emateko asmoz hasi naiz idazten. Bi aurkezpen izan genituen, eta ni behintzat SolidRockIt-eko aurkezpenak gehiago asebete ninduen Eurohelpenak baino.
SolidRockIt
Migrazioa kontestu errealagoan kokatu zuen, hau da, ez openofficerako migrazioaren azterketa soilik eginez, 2007rako batekin alderatuz baizik. Espero izatekoak dira sor litezkeen arazoak, eta 2007rako migrazioa baino koplikatuxeagoa izatea. Dena den, formazioa adibidez, 2007an beharrezkoagoa izango litzatekeela iruditzen zait, oo-ren interfazea irentsita baitute jadanik.
Zerbait esatekotan, bertan aipatu banuen ere, gure parkeak oo-re migratzea egingarria den bezala, 2007ra migratzea posible ez dela argi daukat. Bi egoeraren aurrean egon gintezke, beraz: Microsoften parke mistoa (bertsio ezberdinekin) edo OO-ren parke homogeneoa. Abantaila hau kontuan hartzekoa iruditzen zait.
Bestalde, oo-rako moldaketa/migrazio/bihurketa kostuen inguruan hitz egin zen etengabe, baina aipatu gabe utzi zen Microsoften aukera eginez gero ikasle/guraso/bezero batek lekarkeen odf baten bihurketa-kostua (denboraz eta lanaz ari naiz).
Eurohelp
Gezurra esango nuke aurkezpenak konbentzitu ninduela esango banu. Azalekoa iruditu zitzaidan, migrazioa bere horretan soilik planteatua (gainera gazteleraz, aurkeztu zigunaren arabera "errazago ulertzeko". Barkatu, baina errazago berak agian, niri ezegokia iruditu zitzaidan). Hauen estimazioak barre egiteko modukoak ziren. Gainera, etengabe zentratzen zuten formazioaren beharrean gaia (agian hor ikusten ote dute pagotxa?). OOren alde egin bazuen amaieran, ez dut uste nik entzun nahi nituen motiboengatik izan zenik, beraien enpresarentzat negozio bide bat ikusi zutelako baizik.
Laburbilduta, lehenaz gain konbentzituta nago migratu egin behar dugula. OO alternatiba erreala da, bidezkoa, Ikastolek behar dituzten balore eta ezaugarriekin batago datorrena, eta argudio horiek irakaslea ez den (uste dut Elkarteko Informatika taldeko kide bat izan zela) batek aipatu izanak ere zer pentsatua eman zidan. Hezitzaileok ekonomiaz hezkuntza-baloreez edo ikasleei transmititu behar genizkiekeen beste ikuspegiez baino gehiago hitz egiteak, alegia.
Nik migrazioaren alde egiten dut. Software askea da, iturburu irekikoa, gure beharrak asetzeko eta gehiagorako gai dena, garapen etengabean dagoena, euskaratuta dagoena, plataformekiko independentea, gainerako formatuak ehuneko handi batean irakurtzeko gai dena, PDF dokumentuekin lan egiteko gai izango dena 3.0 bertsioan, etab. etab.
Eta, doakoa izatea, anekdota bat. Migrazio orokorrago baten lehen pausua izatea da nire apustua.
Eztabaida honen erantzunak
-
Lotura iraunkorra Julen(e)n erantzuna -
Ezta horrela ere, anekdota utsa...
Dohakoa izanagatik gaude gauden puntuan, diruz ordaindu daitezkeen iturri irekiko eta estandarrekin lan egiten duten ofimatika pakete gehio zergatik ez ditugu aztertzen orduan? Hortaz, musu truk izatea guretzako ere pisudun arrazoia dela esango nuke A:, baino ez da bakarra, ados.
Duela gutxi kataluinan haien beharretara egokitutako openSusen oinarritatako LinKat banaketa egin berri dute, ea noizko konturatzen garen, prezioaz gai, swak izan dezakeen balio erantsiaz eta potentziaz. Ikastolak gizartea eraldatzeko gaitasuna duela sinisten badugu, erabilitako sw eta sistema eragileak ere ildo berdinetik joan behar du argi eta garbi.
-
Lotura iraunkorra Julen(e)n erantzuna
-
Ofimatika Ikerketaren emaitzak jasotzen duten txostenak dira
- Eranskinak
-
-
CompatibilidadOfficevsOoo.pdf, 104 KB -
EHIK-OfimatikaIkerketaTxostena.pdf, 1.2 MB
-
-
Lotura iraunkorra Aitor Sarriegi(e)n erantzuna -
Bueno, agian gordinegi geratu zait. Esan nahi nuena zen nire ustez gehiegitan aipatu dugula doakotasuna, eta berezkoagoak iruditzen zaizkidan arrazoiak estali dituela.
Oker ez banago, Gasteizko Diocesanasek atera zuen ubunturen gainean eraikitako banaketa pertsonalizatu bat eta bere komunitatean zabaltzeaz gainera, ARGIA astekariarekin ere banatu zen. Uste dut gurasoen etxean badagoela.
Ez al lukete Ikastolek antzkeo zerbait egin behar, orokorrean? Proposatzeko gaia dela uste dut. Agian S Libreko taldean idatziko dut zerbait CDa aurkitzen badut. LiveCD bat zen oker ez banago.
-
Lotura iraunkorra Julen(e)n erantzuna
-
Askotan doakoa izaera hori, faltsua ere izan daiteke, IkasDat eta horrelakoak migratzeko kostua ....
Nik badaukat Diocesanasekoek ateratako cd hori, debianen oinarritutako banaketa da eta pinta ona dauka. Ez badut gaizki gogoratzen, ubunturen antzerako LiveCd bat da instalatzeko aukerarekin.
Akaso datorren urterako federazioari antzerako zeozer egiteko proposamena luza diezaiokegu, ea zer dioen, edo taldean egin eta erakutsi (ez omen da oso zaila horrelako bat egitea).
-
Lotura iraunkorra joseba(e)n erantzuna -
Barkatu, baina ikasdat migratzearen kostua ez aipatu, mesedez... Proiektu hori garatu aurretik, tolosakoek (eta nik neuk ere bai) software librean oinarritutako aplikazioa egiteko eskaerarekin plasta ematen jardun genuen, eta kaso putarik ez ziguten egin. Proiektua bera, nik dakidala, ikastola batzuek lortutako subentzio batzuetan oinarritu zen, tartean Tolosa, eta haiek sistema guztia soft librean eduki arren, windowserako garapen bat egin zen. Imajinatu haien moskeoa norainokoa izan zitekeen! Kanpoko enpresa bati eskatu zioten aplikazioaren garapena, plone edota merkatuan zeuden CMS (edukien kudeaketarako sistemak) irtenbideak aztertu ere ez zituzten egin eta garatutako aplikazioak sortzen zituen web guneak ezin ziren firefox bidez ikusi. Aikejoderse! Beno, baina anekdota hori aparte lagata, goazen eztabaidan dagoenera... Nire ustetan, eman beharreko urratsak hauek lirateke:
1.- Nik ez nuke banaketa berezirik egingo, oraingoz ez behintzat. Nahiko banaketa badaude, euskaraz instalazioa egin daiteke gehienetan, eta hezkuntzarako berezirik ere aurki daiteke. Alegia, oraingoz, zuzenean ubuntu edo edubuntu erabiltzea gomendatuko nuke nik. Banaketa berezi bat egitea ordu gutxiko lana da, eta aurpegia zuritzeko erabiltzen den jokaldia besterik ez da. Jaurlaritzak egin zuen, UPVk ere bai, baina dagoenekoz bai batak eta bai besteak bide hori alde batera laga dute.Hizkuntza politikarako sailekoak ere, gaur egun, merkatuko banaketa indartsuen euskaratzean dihardute. Hori da bidea.
2.- Dauden aplikazioak asko eta onak dira, berezirik behar izan ezkero bere euskaratzea ikastolen elkarteak bultza, gidatu eta laguntzea eskatuko nuke, beste erakundeekin elkarlanean, jakina..
3.- Dagoenekoz ikastolen elkarteak sortu dituen aplikazioak (windowsen baino exekuta ezin direnak) exekutatu ahal izateko emuladoreak probatu beharko lirateke, edo migratu egin beharko lirateke...
4.- Hemendik aurrera sortu behar direnak, formatu ireki eta estandarretan oinarrituta egin daitezen erabaki sendoa hartu beharko litzateke, Erabaki hau konfederazio mailan hartu beharrekoa dela iruditzen zait, eta beste norabide batean egiten diren ekintzek oso ondo arrazoituta egon beharko lukete, bestela, berriz ere hemendik gutxira Julenen komentarioarekin hasi beharko genuke: IkasDat eta horrelakoak migratzeko kostua ....
5.-Aurreko guztia egindakoan, une hori izan daiteke banaketa berezi bat egiteko egokia. Alegia, ikastola baten eguneroko jardunean erabili beharreko aplikazio guztiek osatutako banaketa berezia. Horrek bai, horrek badu zentzua
-
Lotura iraunkorra Julen(e)n erantzuna
-
Kaixo Joseba, ongietorri.
Banaketarena zuritze lana dela ezin ukatu, gero eguneratu, mantendu etb egin beharko litzake eta ez dira guretzako saltsak, baino baten bateri koloreak ateratzeko balio dezake. Dena dela, lehentasun urgenteagoak dauzkagula esango nuke, hala nola formatu estandarren beharra eta babesa eskatu ikastolaz kanpoko talde edo bestelako instituzioei, ez da nahikoa ikastola barruan erabiltzea kanpora begira aldaketak egin behar badira.
Zentzu honetan azpitik gorako aldaketa bilatu behar dugula uste dut, gure ahotsa entzunaraziz, izan ere nork justifikatuko du egun MOfficeren erabilera ez bada besteek erabiltzen dutelako? Ea piskanaka honekin bukatu eta honen harira bestelako formatu guztiak aldatzen dituzten.
-
Lotura iraunkorra Aitor Sarriegi(e)n erantzuna
-
Aupa Joseba
Egia da, ateratzeagatik ateratzeak ez du zentzurik. Nik ere zuk planteatzen duzun ingurunean pentsatuz idatzi nuen goikoa, alegia, "geurea" den softwarea integratuta lekarkeen markadun pakete gisa. Bere errepositorio eta guzti. (nork ukatu, demagun, IkasDaten eguneraketak synaptic bezalako tresna batekin egin ahal izatea ez litzatekeela gauzak erraztea, eta, bide batez, Linux zailagoa den kontu hori alde bat uztea).
Dena den, irakurritakoak irakurrita, lehentasuna ez dela argi dut nik ere. Gainera, Azpian Julenek idatzi duen bezala, nik ere Ikastolen Elkarteak talde presiogile izan behar lukeela uste dut, ez da gauza bera edonon formatu eskaera ikastola jakin batek egitea edo Ikastolen Elkarteak ere ofizialki halako eskaera edo, zergatik ez, exigentzia egitea.
Bienvenido a
ZirIKTeroak
Ekitaldiak
© 2009 Creado por jolaus en Ning. Crear tu propia red social
Ikurrak | Arazo baten berri eman | Isiltasun-politika | Términos de servicio
