IKTero saltsero eta zirikateroen taldea

OpenOffice 3 euskaraz instalatu Ubuntu 8.10en

Azken egun hauetan izan diren albisteen arabera, dagoeneko jakingo duzue OpenOffice.org 3 bertsioa euskaraz eskuragarri dagoela. Webgunearen amaieran irakur daitekeen moduan, itzulpen-lanak UZEIk eta Elhuyarrek egin dituzte, gainbegiratze-lanak Hizkuntza Politikarako Sailburuordetzak, lokalizazio-lana Zundan enpresak eta koordinazio-lana EJIEk. Eskerrik asko denei egindako lanarengatik.

Nahiz eta OOo 3 Ubunturen azken bertsioaren aurretik kaleratuta egon, Intrepid Ibex izeneko banaketa berria 2.4 bertsio zaharrarekin dator. Josuk zioen moduan, Ubunturen eguneraketa egin ondoren gomendatzen da instalatzea OOo 3.

Bertsio berrira eguneratzeko ondorengo urratsak jarrai ditzakezu:

Instalazioarekin hasi baino lehen aurreko bertsioa desinstalatu. Horrela egin ezean arazoekin topa zaitezke mahaigaineko integrazioa burutzerakoan.
sudo apt-get remove openoffice*.*
Jarraian, jaitsitako paketea deskonprimitu beharko duzu, bere gainean eskuineko botoiarekin klik eginez eta "Erauzi hemen" hautatuz edota terminalean ondorengo komendoa idatziz:
tar -zxvf OOo_3.0.0_LinuxX86_install_eu_deb.tar.gz
Terminala erabiliz DEBS izeneko karpetara joango gara eta bertan deb paketeen instalazioari hasiera emango diogu:
cd _DEBS karpetaren helbidea_

sudo dpkg -i *.deb
Instalazioarekin amaitzerakoan, menuak instalatzea besterik ez zaigu geratuko:
cd desktop-integration

sudo dpkg -i openoffice.org3.0-debian-menus_3.0-9358_all.deb

OpenOffice azken bertsio honek berrikuntza interesgarriak dakartza. Tolonen blogan irakurri ahal izango dituzue berrikuntza nagusienak zeintzuk diren. Niretzat ekarpen nagusiena, Firefox-en antzera, gehigarrien bitartez aplikazioari balio erantsia gehitzeko aukerarena da. Berrikuntza honekin, oso erraza da orain Xuxen zuzentzailea instalatzea. Bikain!

Partekatu

▶ Erantzun honi

Eztabaida honen erantzunak

Lotura iraunkorra Sebas Iturriotz Larraza(e)n erantzuna maiatza 12, 2009(e)n. Ordua: 17:41: Ez dakit nola kendu bertsio zaharra, ez dakit non idatzi behar dudan sudo apt-get remove openoffice*.* delako hori. Laguntzerik bai?; ▶ Erantzun honi

Lotura iraunkorra jolaus(e)n erantzuna maiatza 12, 2009(e)n. Ordua: 17:56: Aupa Sebas.

Goran agertzen diren lau urrats horietan agertzen diren kode lerro guztiak Terminalean exekutatu behar dituzu. Zoaz Aplikazioak/Gehigarriak eta bertan topatuko duzu.

Ea oraingoan lortzen duzun ;); ▶ Erantzun honi

Lotura iraunkorra Sebas Iturriotz Larraza(e)n erantzuna maiatza 13, 2009(e)n. Ordua: 5:25: Lortu dut bertsio zaharra kentzea baina berria erabiltzen hasten naizenean hasten zait "gaizki" itxitako dokumenturen bat irekitzen "izengabea" eta ez dit ez berria sortzen uzten eta ezta daudenak irekitzen. Behin eta berriro desinstalatu/instalatu egin dut baina berdin. Hortaz, momentuz, ingelesezkoarekin segituko dut pittin bat gehiago ulertu arte. Dena den, mila esker!; ▶ Erantzun honi

Lotura iraunkorra Julen(e)n erantzuna iraila 25, 2009(e)n. Ordua: 13:04: Aupa Sebas,

seguroenik konponduko zenuen, baina tira, akatsa hori agertzean gure /home/erabiltzaile karpetan sartu, Ktrl+H sakatu ezkutuko karpetak ikusi ahal izateko eta azkenik .openoffice izeneko karpeta ezabatu baino ez dugu egin behar.

Sorte on.; ▶ Erantzun honi

Lotura iraunkorra Sebas Iturriotz Larraza(e)n erantzuna urria 1, 2009(e)n. Ordua: 9:44: Ez, ez, utzita neukan baina berriro ere ekingo diot jartzeari. Mila, mila esker!; ▶ Erantzun honi

Lotura iraunkorra Sebas Iturriotz Larraza(e)n erantzuna urria 20, 2009(e)n. Ordua: 13:08: Kaixo, lagunok: ni erre ke erre ari. Pauso guztiak ematen ditut baina azkena nola da openoffice 3.1. baldin bada?
sudo dpkg -i openoffice.org3.0-debian-menus_3.0-9358_all.deb
sudo dpkg -i openoffice.org3.1-debian-menus_3.1-9358_all.deb??????????????; ▶ Erantzun honi

Lotura iraunkorra Julen(e)n erantzuna urria 20, 2009(e)n. Ordua: 16:22: Kaixo Sebas,

probatu al duzu "sudo dpkg -i *.deb" egiten, agindu horrekin karpetako deb pakete guztiak instalatuko dizkizu.

elee; ▶ Erantzun honi