Didakteka: Hezkuntza eta teknologia

[Abel]

Didakteka izeneko proiektuaren Santurtziko Udal euskaltegiaren ekimena da eta helburu nagusia euskara-irakasleen esku era guztietako materialak uztea da, teoria eta hausnarketa uztartuz hezkuntza-praktika mesedetzeko asmoz. Horretarako, euskara irakatsi eta ikasteko tresnak, baliabideak eta dokumentazioa era sistematikoan eta kolaboratiboan bildu eta sailkatu nahi izan ditugu.

2007ko uztailean hasi ginen lanean eta harrez geroztik hainbat gai landu ditugu, honako hauek, besteak beste:

Hizkuntzen ikaskuntza-prozesua
Hizkuntzen irakaskuntza
Hizkuntzaren gaineko ikuspegia
Metodologia
Ikas-materialak
Ebaluazioa
Didaktika-hiztegia
(...)

Momentu honetan Hezkuntza eta teknologia izeneko gaia hasi gara lantzen. Gai honen zirriborroa egina dugu nolabait eta orain osatu beharra dugu.

Didaktekan dagoeneko 220 bat orri osatu ditugu baina badugu oso alde ahula: orain arte ez dugu inoren partaidetzarik lortu. Animatuko al zarete?

[Abel]

Esan bezala, momentu honetan, hezkuntza eta teknologiaren alorra lantzen ari gara. Hor dugu behar handiena. Atal horretan, esaterako, hezkuntzarako baliagarria izan daitekeen softwareari buruzko azalpenak behar genituzke, edo teknologiaren aplikaziorako ohar metodologikoak (elearning kontestuetan zein ikasgela arruntetan), edo Hezkuntza-teknologia hiztegia osatu...

[Benito]

Bai, interesgarria eta erabilgarria. Zabalduko dut partaidetza eskaera.
Dena dela, laguntza arlo zehatzen batean behar duzue? Errepide-maparen bat daukazue? Bereziki interesatzen den gai-multzoren bat?

[Juan Ezeiza]

Ekimen interesgarria eta erabilgarritasun handikoa dudarik gabe. Gure ikastolako euskara-irakasleei informazioa pasako diet ea norbait animatzen den.

[Fultxo]

Maila altuko gunea iruditu zait.