IKTero saltsero eta zirikateroen taldea

IKASDAT exekutatu Wine erabiliz

Dakizuen bezala ikastoletako kudeaketa akademiko eta ekonomikoa kudeatzeko erabiltzen dugun IKASDAT aplikazioa une honetan Windows-pean erabili daiteke soilik. GNU/Linux banaketaren bat erabiltzen dugunok badakigu, une honetan, ez daukagula irtenbide erraza IKASDAT erabili nahi badugu: IKASWEB-etik ikasleen balorazioak sartzeko aukera daukagula egia bada ere (web aplikazioa izanda, ekipoan instalatutako plataformarekiko menpekotasunik ez du), aplikazioaren konfigurazio orokorrean eskua sartu nahi badugu Windows-en birtualizazio bat erabiltzea derrigortuta gaude, Windows Xp-ren lizentzia bat edukitzea derrigortuta gaudelarik.

Aukera posible bat Wine erabiltzea da. Pasa den ekainean kaleratu zuten 1.0 bertsioa eta nik behintzat konfiantza nuen, bertsio berri honekin IKASDAT erabiltzeko aukera izango genuela. Baina honekin ere ez; instalzioa ondo burutzen den arren, exekutagarria abiarazterakoan, logina egiteko sarrera pantailatxoa desagertu egiten da automatikoki. Aitor ere ibili da proba desberdinak egiten Wine-rekin baina berak ere arazoak besterik ez ditu topatu.

Atzo bertan, nire jarioak irakurtzen ari nintzela, Mikelek Delicious-en gordetako webguneei bistazo bat botatzen ari nintzela, Winetricks-en berri izan nuen. Script honen bitartez, Windows-ek erabiltzen dituen, eta Wine-i falta zaizkion DLL fitxategi mordo bat instala daitezke. Albistea irakurri nuenean IKASDAT-en arazoa DLL baten faltan egon zitekeela pentsatu eta gaur goizean bertan Winetricks instalatzeari ekin diot. Instalazio prozesua ez da batere konplikatua eta minututxo batzuetan burutzen da (ez neukan garbi zein instalatu eta, bada ezpada, DLL guztiak instalatu ditut eta honek denbora gehixeago eskatu dit). Instalzioaren ondoren IKASDAT exekutatu dut eta dena primeran doala egiaztatu dut.

(Egizu klik argazkiaren gainean)

Askotan esan dugun bezala, hau ezin da inolaz ere daukagun arazoaren irtenbide definitiboa izan. Geroz eta ikastola gehiago gara software askearen aldeko apustua egitea erabaki dugunok eta egitera goazen esfortzu horretan, Ikastolen Elartearen aldetik inplikazioa ere eskatu beharko luke, eurek garatuko duten materialen erabileran denok izango ditugula aukera berdinak bermatuz. Tira, ikusi beharko dugu nola gauzatzen den hau etorkizun laburrean.

Etiketak: elkartea, gnu/linux, ikasdat, ikastolen, ubuntu, wine

Partekatu

7 iruzkin

david(e)n iruzkina urria 22, 2008(e)n. Ordua: 20:09: joder jokin, oraingoan ere mila esker!!! hau bai berri ona.
nik beti bezala, "the lazy way" hartua nuen; hau da, ordenagailu pare batetan windows aukera mantendu ebaluaketako prozesua egiteko.
Esaten duzunarekin uste dut libreak garela guztiz!!! beno noiz bait ikasweb kudeaketa firefoxerako prestatzen badute, noski ;-(
Ea gai naizen zure pausuak jarraitzen.

Javier Burgoa(e)n iruzkina urria 25, 2008(e)n. Ordua: 14:48: Oso ondo!! Zure mezua irakurri eta gero Aspire one bat eskutartean neukala, wine instalatu eta zirriborro cd-a pendrive batetan kopiatu dut. USB Giltza sartu, arakatu eta aibalaostia!!! zirri eta borro linux pean dabiz Aspire one batetan.... Ez dut uste oso egokia denik lizentzia aldetik, Josuneri galdetu beharko diot ea zer iruditzen zaion, baina beste elkarteko CD ekin gauza bera egitea posible ba da aukera bikaina zabaltzen zaigu ordenagilu txikiei beste erabilpen bat emateko.

jolaus(e)n iruzkina urria 26, 2008(e)n. Ordua: 22:49: Zergatik ez da egokia lizentziaren aldetik? Ez al daukagu ba denok erosten ditugun CD edo DVDen kopia pribatu bat izateko eskubiderik? Kopia hori USB batean edota bestelako disko gogor batean eduki nahi badut, ez diot nik horri inongo arazorik ikusten.

Dena den, Zirri eta Borro Winekin abian jartzea lortu duzula esaten duzunean, zer esan nahi duzu, goiko dll horiek instalatu gabe? Egin al duzu probarik Ttantto eta besteekin?

Javier Burgoa(e)n iruzkina urria 27, 2008(e)n. Ordua: 10:13: Zirri eta borro a pelo. Dll ak instalatu barik. wine ubuntu repositoriotik hartuta dagoen moduan. Ttantto eta besteak frogatzeke daude. Sentitzen dut

jolaus(e)n iruzkina urria 27, 2008(e)n. Ordua: 10:33: Ok ;-)

david(e)n iruzkina azaroa 11, 2008(e)n. Ordua: 8:45: galderatxo bat honen inguruan:
winetricks instalatu eta gero DLLak instalatzeko zer egin behar da??
badago moduren bat terminaletik egiteko denak batera??
hasi naiz wineren kudeaketa grafikoarekin eta oso prozesua luzea iruditzen zait denak jartzea ikastolako postu guztietan...
mila esker eta ondo izan

jolaus(e)n iruzkina azaroa 11, 2008(e)n. Ordua: 10:21: Aupa David

Aurrekoan, probak egin nituenean, zerrendan agertzen diren dll guztiak instalatu nituen, ez nainekien zeintzuk ziren IKASDATek behar zituenak. Intrepid Ibexera salto egin ondoren, berriro ekin diot IKASDAT (1.51.01 bertsioa instalatu dut) eta winetriks-en instalatzeari.

Wine-en webgunean dioten moduan egin dut instalazioa, alegia, sh winetricks corefonts vcrun6 idatzi dut terminalean. Jarraian IKASDAT irekitzen ahalegindu naiz Wine bitartez eta, besterik gabe, IKASDAT erabiltzea lortu dut. Honekin bakarrik funtzionatzen badizu, nahiko erraz burutu dezakezu prozesua ekipo ezberdinetan.