OLPC XO Generation 2.0

[jolaus]

Javik gaur bertan idatzi duen ekarpenean ea Asus eeePC edo antzekorik erosteko asmoa genuen galdetzen zuen. Idazten ari nintzen erantzunean komentatzen nuen, datorren urterako IKASYSeko saltsan sartu behar ginen ikastolok ekipo hauek Elkartearen bitartez jasoko genituela eta bera izango zela erabiliko genituen ekipoak aukeratuko zituenak. Ez dakit zuek horrela ulertuta zenuten baina nik, orain hasi diren hiru ikastolen antzera, irailetik aurrera ekipo horiek eta hauek gordetzeko beharrezkoak genituen armairuak Ikastolen Elkartetik zuzenean jasoko genituela ulertuta nuen.

Iruzkina argitaratzeko prest nuen unean Mikelen mezu bat jaso dut non bertan komentatzen zidan datorren urtean IKASYS proiektua aurrera eramateko konpromisoa hartu genuen ikastolok ekipoak eta armairuak gure poltsikotik ordaindu beharko ditugula. Tira, iruzkina berehala ezabatu eta albiste honek guretzako zer suposatzen duen baloratzen aritu naiz. Jaso ditudan anotazioak artikulu luze eta mardul baterako ematen badute ere, ez da hori ekarpen honen helburu nagusia.

Testuinguru berri horretan, nik ulertzen dudan bezala behintzat, askatasun osoa daukagu (Javik esaten zuenaren moduan) gure beharretara hobeto egokitzen den ekipoa erosteko eta guri interesatzen zaigun garaian gainera (azken finean IKASYS edozein ekipotan erabil daitekeen aplikazioa da). Denbora epe laburrean asko izango dira merkatuan izango ditugun antzeko ekipoak eta agian itxarotea merezi du. Eta horrekin ari nintzela Negropontek egindako igarpen interesgarri honen berri izan dut. Antza denez OLPC proiektuaren bigarren generazioa laister izango dugu eskutan eta aurreko albistean irakurri eta ikusi dudanagatik, benetan txundituta geratu naiz Negroponteren asmo berriekin. OLPC berriak oso oso itxura ederra du, tresna bezala oso aurrerakoia eta irudietan ikus daitekeena errealitatea bihurtzen bada, ekarpen handia izan daiteke irakaskuntza mundurako. Iruzkinetako batean denarekin bat nator halere: ezaugarri horiek dituen ekipo baten prezioa bat etorriko al da OLPC proiektuaren irizpide nagusiekin? Alegia, bere prezioa ez al da hasieran zehaztutako helburuaren gainetik egongo?

Iragarpen honek oihartzun handia izan du sarean azken ordu hauetan; honen inguruan esan denaren jarraipena egin nahi baduzue Technorati-ko "thread" honi jarraitzea besterik ez duzue.

Azpian Negroponteren aurkezpenaren bideoa:

EGUNERAKETA 2008-05-21: informazio gehiago BBC News gunean

[Aitor Sarriegi]

Polita da, bai, baina nik ere nire zalantzak ditut OLPC egitasmoan nola txerta daitekeen katxarroa.
Komentatu duzu Mikelek esan zizula ikastolen gain joango dela gastua, baina hori oraindik modu ofizialean ez da esan, ezta? Nik behintzat ez dut horren berririk, eta guk ere 3 gelatan martxan jarri behar dugu. Eta hala bada, ez al da berandutxo abisurako?

Nik ere nolako katxarroak erosi Ikastola bakoitzak erabaki behar duela uste dut, eta momentuan dauden ekipoekin hasi behar bada, ba hala hasi. Ze, proiektuari buruz ari garenean, aplikazioari buruz ari gara, ezta? Ala ez?

[david]

ekipo hoiek gogoratzen dizkidate Monereok aipatu zuena ihardunaldi pedagogikoetan Marc Prenskyren kontzeptua gogoratuz; hau da, orain arte ordenagailuak diseinatu dituztenak "etorkin digitalak" izan dira, horregatik idazteko makina baten antza daukate, gu bait gara testuan oinarritutako belaunaldi bat. Baina etorkin laburrean, ordenagailuak diseinatuko dituztenak "jaiotzez digitalak" izango dira, eta ordenagailu hauek, muga hori gaindituz, ez dute teklaturik izango....

[jolaus]

#Aitor

: zuri sortu zaizkizun zalantza berdinak sortu zaizkit niri. Eta egia esan une honetan nahiko blokeatuta nago. Alde batetik, Elkartetik jasoko dugun informazio ofizialaren zain egotea egokiena dela iruditzen zait. Baina bestetik, maiatza amaieran gaude, norberak bere ekipoak eta armairuak erosi behar baditu, zerbait egiten hasteko unea heldu dela iruditzen zait. Irailerako zerbait egiten hasi behar badugu, ez dut uste denboraz soberan gabiltzanik. Nire iritziz egokiena behar diren ekipo eta armairu guztiak batera erostea komeni da eta eskaera hori Elkartetik bideratzea egokiena dela iruditzen zait. Gero ordainketak egin beharko ditugu. Eta puntu honetan ere sortzen zaizkit duda ugari; ekipo eta armairuetan egin beharreko gastua ez da makala, nik gainera ez nuen aurreikusten horrelako gasturik datorren ikasturterako eta gure inbertsio plana aurkeztuta eta onartuta daukagu. Une honetan daukagun baliabideekin ezin dugu aurreikusitako lanketa aurrera eraman? Zalantza askotxo maiatzaren amaierarako

#David: 25 urte geratzen zaizkit jubilaziorako. Horrelakorik ikusteko gai izango naiz? Espero dezagun ohiko teklatuekin jarraitzea bestela ez dakit nola demontre ohituko naizen informazioa webean argitaratzeko ;-)

[david]

ez dut uste 25 urte barru mekanografi ikastaroak egongo direnik ;-)

[Aitor Sarriegi]

Tira, testu-errekonozimendu mota ezberdinak egongo direla iruditzen zait, ahots bidezkoa kasu. Agian teklatuak mutuentzat soilik izango dira, baina nire ustez kontzeptua (teklatuarena) ez da desagertuko. Bai, agian, orain ulertzen dugun bezala, agian gailu taktil bat izango da, inteligentea, hitzak aurrikusten dituena...

Jokin:
Egia esan aparte samar neukan utzita kntu hori, baina kezkatu egin naiz. Guk inbertsio planik ez dugu egin, orain arte ez dute horrela funtzionatu eta aurten ere ez dugu egin oraindik (eskerrak, beste alde batetik begiratuta, orain Ikasysen ere oinarritu gaitezke). Bestalde, datozen urteei begira planteamendurik egokiena plana hori garai hauetan finkatzea dela uste dut. Gauza bakoitza bere garaian.

Galdera: Asusak edo direlakoak, erosten badira, PREMIArekin zer gertatzen da?

[jolaus]

Uste dut Elkartean hori ari direla aztertzen, baina hori ere ez da irtenbidea. Guk laguntza horiek beste gastu batzuetarako aurreikusita genituen, beraz, berdin-berdin geratzen gara.

Ikastolan janda genuen, apirilean hasiko ziren hiru ikastolekin gertatu den bezala, irailetik aurrera hasiko ginenak ere Elkarteak ipiniko zituela. Zuzendariarekin honetaz askotan hitz eginda gaude eta berak ere beti hori ulertu izan du. Galdera; zuek ere horrelakorik ulertuta zenuten edo gure ikastolako "paranoia" bat besterik ez da izan?

[Aitor Sarriegi]

Gu ezjakinean geunden. "Esango digute", pentsatzen genuen. ALde batetik, "Hori ere Elkarteak ordaindu beharko du ba!" pentsatzen genuen, baina bestetik errezeloa bagenuen. Hala ere, altura hauetan oraindik ezer garbirik ez jakitea lotsagarri samarra bada. Pentsa, WiFi instalazioa ere egin beharko dugu guk ikastolako gune batean, eta armairurik izango den, nolakoak, eeepcrik... ezer ez dakigu. Egia esan informaziorik iristen ez bada oraingo azpiegiturarekin softwarea erabiltzea dela egokiena uste dut. Noski, pilotu direnek esango dute zenbat ordu diren astean, nola erabili duten... gure baliabideak antolatzeko ere.

[Fultxo]

Etorkizuna... ezjakintasuna.
Ahots bidezko detektagailuak aspalditik esistitzen dira eta ongi funtzionatu arren nik gutxiago nekatzen naiz teklatuaren bidez idazten ahotsarekin baino. Irakaslea naizelako?
Etorkizuna pentsamendu irakurketan dago. Ez pentsa Iker Jimenezen saioekin burutik jota geratu naizenik, nahiz eta gaia gustuko izan. Trebaketa erraz bat pasa eta gero burmuinak kontrolatuko du ordenagailuak (elektrodo batzuen bitartez edo).
Apostua egin ezazue! Baina baietz 10 urte baino lehenago honelako interface bat sortu! Bitartean mekanografia erakusten jarraituko dugu batzuk, gutxi batzuk egia esan.

[Aitor Sarriegi]

Kar kar. Ez dut ezetz esaten, baina zenbaiten garuna ikusita uste dut mekanografiak beharrezko izaten jarraituko duela!!

(Gainera, ziur garunen arteko inkonpatibilidadeak sortuko liratekeela. Imajinatzen? ZUre garuna Dual Core bat da baina ez du Microsoften firmwaredun txipa instalatuta, ezin zara sisteman sartu. Edo, zurea Cleron kapatu triste bat da, ez du gaitasunik interfazea prozesatzeko. Edo, zurea garun terrorista da eta interfazeak ez dizu sistemarako baimenik ematen... Gai polita da!!)

[Mikel Etxarri]

Gai polita bada, bota bertsoa!!! :-)