Moodle-en inguruko iritzi kritiko bat

[jolaus]

Egia esan, sekula ez nuke pentsatutako Moodle eta, orokorrean, software askearen inguruan inguruan iritzi kritikorik topatuko nuenik. Beti izan dut asumituta software askea izateak, atzean dagoen garatzaile boluntario komunitatearen konpromisuak nahikoak zirela aplikazio askeen baliagarritasuna justifikatzeko. Baina gaur irakurri dudan artikulu honek zer pentsatua eman dit. Bertan, errespetu osoz, moodlei egindako kritika zorrotza irakur daiteke. Zer iruditzen zaizue zuei bertan esaten dena?

[Benito]

Nik beste hau irakurri nuen aspaldian: Mi vida sin Moodle. Ez da propio Moodle-en kontrako kritika, baina pentsatzeko moduko gauza batzuk esaten ditu.

[Larre]

Ni ere artikuluarekin ados nago. E-learning purua ez da geroa eta ez du balio handirik, aldiz blended-learningak (presentziala eta urrutikoa konbinatzen dituenak) bai.
Gauza da irakaskuntza/aprendizaia-prozesua komunikazio-prozesu bat dela eta, nire ustez, derrigorrezkoa da ikasleekin dugun eguneroko harremana. Bestela nola irakatsi hain beharrezkoak diren baloreak, konpetentziak...etab?

[Abel]

Irakurketa arin baten ondoren izan bada ere, derrepentean bere produktuak saldu ezinean dabilen baten pataleta iruditu zait.

Moodle ez erabiltzeko erabakia erabiltzea bera bezain zilegi da, jakina. Norberaren egoera eta beharren analisiaren ondoren hartu beharreko erabakia. Moodle erabiltzeagatik ez gara irakasle hobeak, ezta WebCT erabiltze hutsagatik txarragoak.

Artikulu horretan benetako arazoa beste bat da: nork berea defendatzeko, besteari buruzko argudio faltsuak ematea. Izan ere, Moodle-n SCORM estandarra aspaldi integratu zen, eta ez hori bakarrik, baizik eta edukiak enpaketatzeko beste hainbat programa ere (LAMS edo IMS, esaterako). Ikasleen erritmo ezberdinak taldeak eta taldekatzeak izeneko funtzionalitateekin bultza daitezke, multimendia molde ezagunenak konpatibleak dira Moodle-rekin...

Horrez gain, badirudi Moodle-ren garapenean lagundu dugunoi sekta moduko bat izatetik oso urrun ez gaudela sugeritzen digula. Kode irekiko programetan aritu direnei argudio hori nahikoa ezaguna egingo zaie.

Finean, kontua da erakunde asko hasi dela Moodle erabiltzen ordainpeko plataformen kalterako, eta batez ere, plataforma horien lizentzia saltzen dutenen kontu korronteen kalterako.

[Larre]

Artikuku egileak (portzierto Qualiteasy Internet Solutions S.L ISO zigilurako softwarea saltzen duen enpresa bat da; poltsikua ikuitzerakoan jendea nola aztoratzen den!) 3 argudio ematen ditu. Hirurak egia ez direnak:
1) SCORM-arena Abelek azaldu du, baina gauza pare bat ditut esateko. Ni SCORM kontu horrekin saltseatsen ibilia nahiz eta eduki "estatikoak" enpaketatzeko aukera ematen du bakarrik. Ez du irakasle eta ikaslearen arteko komunikazioan eginikoa "enpaketatzen". SCORM-ek funtsean (nik behintzat ezagutzen dudana; oker banago zuzendu) eduki "estatikoak" (eta estatikoen barruan pdf eta baita multimedia fitxategiak sartzen ditut) enpaketatu egiten ditu eta gero Moodle bezalako plataformarekin komunikazio sistema bat ezartzen du (API izendatzen dela uste dut). Komunikazio sistema horren bidez irakasleak ikasleak eginiko hainbat informazio eskura dezake adibidez: zenbat klik egin dituen, zenbat denbora igaro duen, zenbat eduki ikusi dituen, zein falta zaion... Baina hori bakarrik, horrek ez du irakaskuntza prozesua hobetzen, ez dagoelako inolako komunikazio edo feed-backik.
2) Zera dio "Incompatibilidad con determinados materiales multimedia, se recomienda no invertir en contenidos y en lugar de ello colgar pdf’s. " eta hori ez da egia (gezurra dela ez esateagatik). Moodlen hori ez da inoiz arazoa izan, aldiz beste plataforma batzuetan bai.
3) Ikasleekin erritmo desberdinak jarraitzeko aukera ere ez da guztiz egia. Egia da hori plataformak ez duena modu automatiko batean egiten, baina azken finean jardueren bidez irakasle-ikasle arteko komunikazio bultzatu nahi denez, erritmo desberdin horiek benetan eman daitezke. Egia da irakaslearentzat lana suposatzen duela baina eguneroko zereginetan ere hori egin nahi bada aukera bakarra dago: lana!
Azkenik artikulu egileak erabiltzen beste argudio bat instalazio burutzeak eta arazoak daudenean gertatzen diren komediak dira. Berak dio ordaintzen den plataforma batekin hori ez dela gertatzen. Beno gauza bera egin daiteke Moodlerekin. Enpresa bat kontratatu eta berak emango dizu soporte tekniko hori, baina besteekin konparatuta abantail handi bat izango duzu: ez dituzu softwarearen eskubideak urtero ordaindu beharko (kontuan izan gainera dependentzia maila bat gertatzen denean ordun eta gehiago estutzen dizutela horrelako enpresek).

Norbait ez da gustura geratu? Ba, badaki zer egin. Millonada bat ordaindu eta dena konponduta gizarte honetan dirua sandios da eta.